૧૨મીથી ૧૯મી સદી સુધીનું ગુજરાત એ મધ્યકાલીન ગુજરાત. આ સમયગાળામાં રચાયેલું સાહિત્ય પણ મધ્યકાલીન ગુજરાતી સાહિત્ય કહેવાયું. આ પુસ્તકના માધ્યમથી સંપાદક અને વિવેચક શ્રી રમણભાઈ સોની આ ૭૦૦ વર્ષ દરમિયાન રચાયેલા ઉત્તમ સાહિત્યના ઐશ્વર્યને આપણા સુધી પહોંચાડે છે. મધ્યકાલીન સાહિત્યયુગને વ્યાખ્યાયિત કરવાથી માંડીને તેમાં રહેલા ભક્તિભાવની સાથે સાંસ્કૃતિક વલણો, પ્રજાજીવનના ભાવો, સામાજિક રીત-રિવાજો, અંગત ઊર્મિઓની અસર વિશે વિસ્તૃત ભૂમિકા બાંધે છે.