ક્યારેક એવું લાગે કે ગુજરાતી ભાષામાં મૌલિક બાળવાર્તાઓનો દુકાળ છે. આ મહેણું ભાંગવા માટે ગુજરાતી ભાષામાં લખાયેલી મૌલિક, તાજી અને આજની નવી પેઢીનેલક્ષ્યમાં રાખીને તૈયાર કરેલી બાળવાર્તાઓ તમારી સમક્ષ લઈને આવ્યો છું. આ બાળવાર્તાઓ મારાં નાનકડા દોસ્તોને તો ગમશે જ પણ તેની સાથે તેમના વિકાસમાં પણમદદરૂપ થશે એવો મને વિશ્વાસ છે.
– તમારો સાંઈરામ દવે

સાંઈરામ દવે એક બહુર્મુખી પ્રતિભા ધરાવનાર કલાકાર છે. લોકસાહિત્યકાર, હાસ્ય કલાકાર, કવિ, લેખક, લોકગાયક તેમજ શિક્ષણવિદ્ તરીકે સમગ્ર ગુજરાત તેમનેઓળખે છે. 41 વર્ષની ઉંમરમાં તેમણે 51 જેટલા જુદા જુદા વિષયો ઉપર હાસ્ય-લોકસાહિત્યનાં ઑડિયો-વીડિયો આલ્બમ આપ્યાં છે અને તેના દ્વારા સમગ્ર વિશ્વનાંગુજરાતીઓનાં હૃદયમાં આગવું સ્થાન મેળવ્યું છે. ગુજરાત સરકારે 2007માં સૌથી નાની ઉંમરે ‘ગુજરાત ગૌરવ પુરસ્કાર’થી સન્માનિત કરેલ છે. મહારાષ્ટ્ર પાઠ્યપુસ્તક મંડળ,પુણે દ્વારા ધોરણ બીજામાં ‘છે સ્વર્ગથીય વહાલી અમને અમારી શાળા’ તથા ધોરણ-છઠ્ઠામાં ‘જલ શક્તિ ગીત’ પાઠ્યપુસ્તકમાં 2005થી ભણાવાય છે જે સાંઈરામ દવેનુંસર્જન છે. ગુજરાત પાઠ્યપુસ્તક મંડળ, ગાંધીનગર દ્વારા ધોરણ દસમાં સાંઈરામ દવે લિખિત પાઠ ‘બહેન સૌની લાડલી’ ગુજરાતી વિષયમાં 2017ની આવૃત્તિમાં સ્થાન પામ્યોછે. 14 વર્ષ સરકારી શાળા નં. 5 ગોંડલ ખાતે ફરજ બજાવી 2015થી તેઓ રાજકોટ ખાતે ‘નચિકેતા સ્કૂલિંગ સિસ્ટમ’ના ફાઉન્ડર પ્રૅસિડન્ટ તરીકે શિક્ષણસેવામાં કાર્યરત છે. તેમના સાંઈલક્ષ્મી ફાઉન્ડેશન દ્વારા તેઓએ કેળવણી અને બાળસાહિત્યને વાચા આપતા અનેક કાર્યક્રમો કર્યા છે, જેમાં ઓપન સૌરાષ્ટ્ર હાલરડાં સ્પર્ધા, પરફેક્ટ પૅરન્ટિંગસેમિનાર, ભાષાનું ભાવિ સેમિનાર, ઓપન સૌરાષ્ટ્ર બાલગીત-બાલવાર્તા સ્પર્ધા, બાળપણ બચાવો સેમિનાર વગેરેનો સમાવેશ થાય છે.